鄒文軒（文軒） - 成員介紹

歌手—鄒文軒（文軒）

1可否簡介下自己在HeArtz的角色和自己的音樂歷程？
角色：歌手。
音樂歷程：小學2年級就參加屋企樓下基督教青少年中心的兒童合唱團，就喜歡了唱歌，隨著成長，都參與了詩班嘅事奉。

2 對你來說音樂/唱歌是甚麼？
從少就好鍾意聽歌，記得媽媽每朝早就會開收音機叫我和弟妹起身返學。
音樂能令人有放鬆的感覺。我好鐘意記歌詞，可以隨時隨地唱歌！唱歌也是情緒宣洩的方法，開心唔開心都會唱！

3 學習唱歌和以往獻唱詩歌的經歷中有甚麼難忘的事？
記起〈苦杯〉呢首詩歌，因為梁孟傑弟兄啲詞好到肉，再加埋個旋律，不論練習或獻唱，好幾次去到「迴腸欲斷我竭力盡瘁；懇請聽聽我禱祈！」真心係唱唔到，眼淚差不多要奪眶而出！諗起主耶穌喺客西馬尼園被捕前，與祂心愛的門徒禱告嘅場景！苦杯可否挪開？

4 你的生活經驗如何影響你演唱時的發揮？
人生經歷多了，感受到神嘅帶領，高低起跌，獻詩或練歌好多時會隨著詩歌嘅旋律與歌詞回到以往嘅片段中，唱出了感情，好想藉著歌聲，將福音傳揚開去！

5 對你而言，HeArtz是一個怎樣的團隊？
我覺得HeArtz係一隊多才多藝的團隊，各人有唔同的恩賜，台前，幕後，宣傳，後期制作都配合得好好！

6 對HeArtz的發展抱怎樣的期望？
希望可以製作更多詩歌，榮神益人！