鄧巨堅 (Martin) - 成員介紹

歌手—鄧巨堅 (Martin)

1可否簡介下自己在HeArtz的角色和自己的音樂歷程？
我係一個之前完全唔識剪片同拍攝，但又膽粗粗走左黎拍攝同剪片嘅幕後工作人員。音樂方面，學過兩年鋼琴，識㩒幾個結他chord，喺嶺大同神學院唱過幾年詩班，唔知點解臨危受命指揮過一年神學院詩班（絕對係神學院的不幸），就係咁多。

2 對你來說音樂是甚麼？
音樂係咩？音樂咪係He(a)rtz囉。我覺得音樂係人類對美嘅一種表達方式，信仰啲講就係我地可以藉著音樂去表達我地所認識上帝嘅榮美。

3 剪片/錄音/策劃宣傳HeArtz 時有甚麼趣事？
親眼目睹林思漢陶醉地化身拍子機check下大家錄出黎嘅嘢準唔準。

4 對你而言，HeArtz是一個怎樣的團隊？
小小堂會，大大團隊，幾十人嘅堂會竟然有成十幾人落水參與製作，真係不得了。大家都好有熱誠，喺身兼其他事奉崗位嘅同時仍然盡努力做到最好，每一首歌、每一條片絕對都係誠意之作。

5 在剪片/錄音/策劃宣傳等幕後工作時，如何呈現一個你心目中的HeArtz?
我們拍片製片組的group photo中有一句格言，足能表達我們的製作過程：「龜毛是一種堅持。」呢班人（好似包括我），真係好鬼龜毛。

6 對HeArtz的發展抱怎樣的期望？
出多啲好歌俾大家唱囉，豐富一下基督教粵語詩歌嘅種類同深度。