陳芷茵 (Tracy) - 成員介紹

樂手—陳芷茵 (Tracy)

1 可否簡介下自己在HeArtz的角色和自己的音樂歷程？
大家好！我係Tracy。我喺HeArtz入面負責幾樣野，包括剪片、拍片、推廣同埋彈琴～我由小學開始學習古典鋼琴，中學開始就在教會中擔任司琴。大學時加入基督徒樂隊和詩班，開始左同人地一齊夾歌。畢業後亦都成為左一位全職的鋼琴老師及伴奏～

2 對你來說音樂是甚麼？
對我嚟講音樂係一種表達方式。透過音樂，我地可以表達自己的情感，亦可以藉它傳達訊息。我自己就會喺唔開心既時候走去彈琴，係抒發情感嘅一個途徑。

3 學習音樂或演奏錄音的過程中有甚麼難忘的事 ？
有唔少練極都極唔好首歌嘅moment都好難忘，好聽d講就係有挑戰性，唔好聽就係好痛苦！如果要分享特別的一件事，我會諗起我入大學前的某一次audition，當時我都預備左個首歌一段時間，但我係冇打算背譜彈，亦都冇背。去到audition當刻，我實在彈得太開心，然後彈彈下自己開始背譜，然後突然hang機唔知自己彈到去邊⋯⋯個下到今時今日都記得⋯⋯

4 對你而言，演繹詩歌會否有甚麼不一樣？
我覺得沒有不一樣。真係有嘅話可能係對歌詞的理解，因為彈古典鋼琴係冇歌詞，但當然都有背後的東西啦～

5 對你而言，HeArtz是一個怎樣的團隊？
係一個互相幫助、互補不足，同時大家又好努力想做到最好的一個團隊。

6 對HeArtz的發展抱怎樣的期望？
我希望我地可以將呢d好嘅音樂帶比更多唔同嘅人，亦希望我地嘅製作、音樂、設計等等可以愈做愈好～